бичлэгСүүлийн үед энэ ажил, амьдрал нэг л сонин байх чинь. Нэг юм хийе гээд суух гэхээр өөр хийх юм гарч ирээд тогтвортой суулгахгүй, саатаараад байхын. Төлөвлөгөөний дагуу явахгүй болохоор дургүй хүрэх шиг. Гэхдээ надаас шалтгаалахгүйгээр болоод байгаа юмыг би яалтай ч билээ. Яалтай билээ гээд зүгээр суугаад баймааргүй бас. Иймэрхүү байдлуудаас болоод амьдрал сонин байгаад байгаан байхгүй юу. Ход ход.
Бодоод үзэхээр нэг хэвийн тал руугаа ороод байгаа ч юм шиг. Арай ч дээ ийм байдалд өөрийгөө оруулж байгаа би гэдэг мөн ч арчаагүй эр юмаа. Нэг хэвийн байна гэдэг бол хүн хөгжихгүй, урагшлахгүй зүгээр нэг байрандаа байдгаараа л байж байна. Би ийм байхыг хүсээд байгаа юм байхдаа. Хүсээгүй болоод бас энэ зүйлийн талаар эргэцүүлж суугаа биз хөөрхий.
Энэ нэг хэвийн нууцлагдмал зүйлсийг эвдэн цөм цохихын тулд өөртөө өөрчлөлт хийх хэрэгтэй гэж бодлоо. Өөрчлөлт нь зөвхөн уншиж байгаа танаас бус зөвхөн энэ талаар эргэцүүлж өөрчлөлт хийх гэж байгаа хүнээс л шалтгаалах болчихоод байна.
Уул нь надаас эрч хүч ундардаг гэж битүүхэндээ өөрийгөө зоригжуулдаг юм. Гэтэл тэр ундардаг эрч хүч нь хаашаа явчихсан юм бүү мэд зүгээр л нэг хэвийн юу ч хийхгүй, юу ч бичихгүй л өдөр хоногийг өнгөрүүлээд л. Нөгөө нэг гал халуун эрч хүч, мөхөшгүй хатан зориг нь надаас ингээд унхиагүй байгаад байгаа болохоор нисэн одох гээд байгаа ч юм шиг санагдаад л. Уучлаарай хатан зориг, халуухан эрч хүч минь би чамайгаа алдмааргүй байна. Алдахгүйн тулд том амлахыг бас хүсэхгүй байна. Их амлалт итгэлийг буруулдаг гэсэн үг байдаг болохоор өөртөө дэндүү их зүйлийг амлахыг хүсэхгүйг хичээнэ.
Зүгээр л өөрийгөө одоо арай өөрөөр харах гээд оролдохыг хүснэм. Яаж гэдэг нь ямар ч байсан бодолд хургасаар л байгааг нуугаад юу хийхэв... Нэг хэвийн энэ муухай зүйлийг өнөөдрөөс эхэлж цөм цохилоо, ямар хамаатай юм.
Би хий хоосон зүйл мөрөөдөхгүйгээр урдах юмаа л бичихийг хүсэж байна. Бичнэ гэдэг бол миний одоогоор надад маш их аз жаргал, баяр баясал өгч байгаа гайхамшигтай зүйл билээ.
Өөрчлөлт гэдэг чинь өөрийнхөө хийдэг зүйлийг хийгээд түүнээсээ нээх гоё мэдрэмж авахыг хэлдэг юм байна ш дээ. Сүүлийн үед нэг хачин байсан нь би юу ч бичихгүй зүгээр суугаад байсантай холбоотой юм байна. Бичиж байж л цөм цохих аргаа олноо гэж. Ход ход
